SAHAR

یہ خط ارسال کیا ہے انٹرنیشنل ریڈیو لسنرز آرگنائزیشن پاکستان کے جنرل سیکریٹری مہر عبدالستار سلفی القادری نے

عشرہ فخر اور ایران کے اسلامی انقلاب کی بیالیسویں سالگرہ کی مناسبت سے مبارک باد پیش کرنے کے ساتھ لکھا ہے کہ ایران کے اسلامی انقلاب نے شاہ ایران کے ڈھائی ہزار سالہ سلطنت کو زمین بوس کردیا اور ملک میں اسلامی جمہوری نظام کی بنیاد رکھی۔ سامراجی طاقتوں نے بہت کوشش کی کے ایران کے نوخیز اسلامی نظام کو اس کے ظہور میں آنے کے فورا بعد ختم کردے، لیکن نصرت خدا ایران کے عوام کے ساتھ تھی اور بانی انقلاب اسلامی حضرت امام خمینی رح کی عظیم قیادت کے سایہ میں یہ اسلامی انقلاب مضبوط ہوا اور آج ایک تناور درخت میں تبدیل ہوگیا ہے۔ ایک ایسا انقلاب جس نے سامراجی طاقتوں کے تمام باطل منصوبوں کو خاک میں ملادیا اور اپنے حقیقی راستے پر گامزن ہے اور آج حضرت آیت ا۔۔۔ العظمی خامنہ ای کی قیادت میں اپنے مضبوط سے مضبوط تر ہوتا چلا جارہا ہے اور دشمن کی آنکھوں میں کاٹ بنا ہوا ہے۔ ریڈیو تہران کی اردو سروس کے توسط سے ایران قوم کو اسلامی انقلاب کی سالگرہ کی مناسبت سے مبارک باد پیش کرتے ہیں۔