SAHAR

یہ خط ارسال کیا ہے پاکستان کے صوبہ سندھ کے شہر سکھر سے مرتضائی محمد مٹھل شنبانی صاحب نے لکھتے ہیں کہ

بانی انقلاب اسلامی حضرت امام خمینی رح کی رحلت کی 33 برسی کی مناسبت سے تعزیت پیش کی ہے اور لکھا ہے کہ امام خمینی رح نے ایران ہی نہیں پوری دنیا کے مسلمانوں اور حریت پسندوں کے لئے امن و دوستی اور آزادی کا پیغام دیا ہے۔ امام خمینی رح نے ایران کے شاہ کی ظلم و بربریت سے پر بادشاہت کو خاک میں ملادیا اور ایران کے عوام میں شعور پیدا کیا تاکہ وہ شاہ کی ظالم حکومت کے خلاف اٹھ کھڑے ہوں اور ہم نے دیکھا کہ ایران کے عوام نے امام خمینی رح کی آواز پر لبیک کہتے ہوئے میدان عمل میں قدم رکھا اور ایران کو شاہ کی ظالم حکومت سے نجات دلوائی امام خمینی رح کی رحلت کو 33 سال کا عرصۂ گزر گيا ہے لیکن آپ کا پیغام آج بھی دنیا کے گوش و کنار میں موجود ہے اور دنیا آج بھی اس سے استفادہ کررہی ہے اور الہی رہنماؤں کی نشانیاں بھی یہی ہوتی ہیں۔ ریڈیو سے نشر ہونے والے پروگراموں سے ہمیں انقلاب اور امام خمینی رح کی شخصیت سے آشنائی حاصل ہوئی اور ہمیں فخر ہے کہ ہم ریڈیو تہران کے سامع ہیں۔