SAHAR

یہ خط ارسال کیا ہے پاکستان کے صوبے سندھ کے شہر ٹنڈو باگو سے احسان علی گھمّو صاحب نے لکھتے ہیں

ایک عرصے سے ریڈیو تہران سن رہا ہوں پہلے خط بھی تحریر کیا کرتا تھا لیکن اب کچھ عرصے سے خط وغیرہ کا سلسلہ بھی ختم ہوکر رہ گیا ہے دوستوں سے آپ کا واٹس ایپ نمبر لیا ہے اور یہ چند لائیں تحریر کررہا ہوں  ریڈیو تہران کی  نشریات کے تمام پروگرام اچھے چل رہے ہیں ، ہر پروگرام قابل تعریف ہے ، لیکن خبریں اور حالات حاضر کے پروگرام میرے پسندیدہ پروگرام ہیں جبکہ ایران اور علاقائی حالات کے بارے میں معلومات پر مبنی پروگرام بھی مجھے پسند ہیں۔ پروگرام بزم دوستاں میں آپ نہایت بہترین انداز میں آپ کی گفتگو دل کو بھاتی ہے ایک ایک لفظ میں مٹھاس ہوتی ہے پروگرام یادوں کے جھروکے سن کر ماضی میں پیش آنے والے واقعات سے آگہی ملتی ہے انسان کو اپنی تاریخی واقعات کا علم ہوتا ، پروگرام گھر اور گھرانہ میں نہایت بہترین انداز میں کنبے میں مہر و محبت میں اضافے اور اخلاقی عنوانات سے اچھی گفتگو رہتی ہے ، پروگرام خلقت کی رعنائیاں بھی میں ہمیں خدا سے نزدیک کرنے کے لئے اچھے مضامین ہوتے ہیں۔