SAHAR

یہ خط ارسال کیا ہے پاکستان کے صوبہ سندھ کے صدرمقام کراچی سے یاسر حمید صاحب نے لکھتے ہیں کہ

ریڈیو کا پرانا سامع رہا ہوں پابندی کے ساتھ مختلف ریڈیو اسٹیشنوں کی نشریات سنتا رہا ہوں لیکن اب ریڈیو وقت ملنے پر سنتا ہوں اس لئے کہ معاملات زندگی اتنے پیچیدہ ہوچکے ہیں کہ دوسری کسی ایکٹیویٹی کی طرف سوچنا بھی مشکل ہوگیا ہے ، پہلے ریڈیو پابندی کے ساتھ سنتا تھا خط بھی لکھتا تھا اور بہت سے ریڈیو اسٹیشنوں میں ریگولر لسنرز کے عنوان سے میرا نام درج تھا، مجھے نہیں معلوم کہ آج کل بھی یہ ہی طریقہ ہے یا بدل گیا ہے، پچھلے دنوں ریڈیو تہران کی شام کی نشریات سنی ، بہت دنوں بعد ریڈیو ہاتھ میں لیا تھا پروگرام سن کر بہت اچھا لگا ، خبریں اور دہلی سے رپورٹ سنی جبکہ پروگرام بزم دوستاں شروع ہوا تو اپنے خط لکھنے کی یاد تازہ ہوگئی خیالوں میں ڈوب گیا ، پھر جی چاہا کہ چند سطر ریڈیو تہران کے لئے ارسال کردی جائیں میرے ایک دوست سے آپ کا واٹس ایپ نمبر لیا اور یہ تحریر روانہ کررہا ہوں اس امید کے ساتھ کہ حوصلہ افزائی فرمائیں گے۔

آئندہ بھی ریڈیو تہران کی نشریات پابندی کے ساتھ سننے کی کوشش کروں گا۔