کشمیرمیں مسلح تصادم دوعسکریت پسند ہلاک
Nov ۲۹, ۲۰۱۸ ۰۹:۲۵ Asia/Tehran
کشمیر میں آج صبح مزید دو عسکریت پسند مارے گئے۔
ہندوستان کے زیرانتظام کشمیر کے ضلع پلوامہ کے کھریو اونتی پورہ میں جمعرات کی علی الصبح ہونے والے مسلح تصادم میں حزب المجاہدین سے وابستہ دوعسکریت پسند مارے گئے ہیں۔
کشمیر زون پولیس نے اپنے آفیشل ٹویٹر ہینڈل پر ایک ٹویٹ میں کہا کہ مارے گئے دو عسکریت پسندوں کی شناخت حزب المجاہدین سے وابستہ عدنان لون اور عادل بٹ کے طور پر ہوئی ہے جن سے اسلحہ و گولہ بارود برآمد کیا گیا۔
ریاستی پولیس کے مطابق مارے گئے عسکریت پسندوں میں سے عدنان لون پلوامہ میں حزب المجاہدین کا ضلع کمانڈرتھا۔
