لکھنو نجف پرواز شروع
Feb ۱۵, ۲۰۱۹ ۰۹:۵۲ Asia/Tehran
تقریباً 16 سال کے بعد لکھنو سے نجف اشرف کے لئے پرواز شروع کردی گئی۔
لکھنئو سے نجف اشرف کے لئے پرواز کا سلسلہ شروع کرنے کی تقریب سے ہندوستان کےمرکزی وزیر داخلہ راج ناتھ سنگھ نے کہا کہ لکھنؤ اور نجف کے درمیان شروع ہوئی ائیرانڈیا کی اڑان دونوں ممالک کے رشتوں کو مزید استوار کرے گی اور یہ اڑان دونوں ممالک کے درمیان دوطرفہ تعلقات کے نئے باب کا آغاز ثابت ہوگی ۔
راجناتھ سنگھ نے کہا کہ دونوں ممالک کے درمیان عقیدت مندوں، پیشہ وروں اور سیاحوں کے لمبے عرصے سے چلا آرہا مطالبہ آج پورا ہوا۔
واضح رہے کی فی الحال یہ پرواز ہفتے میں دو دن دہلی سے ہو کر نجف اشرف پہنچے گی اور لکھنئو میں مسافرین کی تعداد میں اضافہ ہونے پر اسے براہ راست لکھنئو سے نجف کے لئے شروع کر دیا جائے گا۔
