کشمیرمیں معرکہ آرائی دو عسکریت پسند ہلاک
Apr ۱۳, ۲۰۱۹ ۰۹:۲۶ Asia/Tehran
ہندوستان کے زیرانتظام کشمیر میں جہاں فورسز کے خلاف احتجاج کا سلسلہ جاری ہے وہیں آج مزید دو عسکریت پسند ہلاک ہو گئے۔
ہندوستان کے زیرانتظام کشمیرکے شوپیان ضلع میں آج سنیچر کی صبح عسکریت پسندوں اور فورسز کے مابین مختصر معرکہ آرائی کے دوران دو عسکریت پسند ہلاک ہوگئے۔ واقعہ شوپیان کے گواہند نامی گاوں میں پیش آیا جہاں فوج، سی آر پی ایف اور ایس او جی اہلکاروں نے مشترکہ طورعلی الصبح محاصرہ کرکے گھر گھر تلاشی شروع کی تھی۔
دوسری جانب قصبہ کشتواڑ کے بیشتر حصوں میں جمعہ کے روز کرفیو میں ایک گھنٹے کی ڈھیل دی گئی۔
کشتواڑ میں 9 اپریل کو راشٹریہ سویم سیوک سنگھ (آر ایس ایس) کے لیڈر اور اُن کے ذاتی محافظ کی نامعلوم بندوق برداروں کے ہاتھوں ہلاکت کے بعد کرفیو نافذ کیا گیا تھا اور فوج تعینات کی گئی تھی۔
