چار ہندوستانی بحری جہازوں کی ایران کی بحری حدود کی خلاف ورزی
Feb ۰۴, ۲۰۱۸ ۱۲:۲۸ Asia/Tehran
اسلامی جمہوریہ ایران کی آبادان بحریہ کے کمانڈر نے کہا ہے کہ ایران کی بحری حدود کی خلاف ورزی کرنے پر 4 ہندوستانی بحری جہازوں کو تحویل میں لے لیا گیا ہے۔
اسلامی جمہوریہ ایران کی آبادان بحریہ کے کمانڈر کرنل محمد علی موسیوند نے کہا ہے کہ ہندوستان کے یہ ماہیگیری سے متعلق بحری جہاز عملے کے 16 افراد کے ساتھ سنیچر کے روز ایران کے سمندری حدود میں داخل ہوئے تھے اور انھیں ایران کی بحریہ کے جوانوں نے روک کر اپنی تحویل میں لے لیا۔
آبادان بحریہ کے کمانڈر کرنل محمد علی موسیوند کا کہنا تھا کہ وزارت خارجہ کی جانب سے تحقیقات کے بعد تحویل میں لئے گئے افراد کو رہا کر دیا جائیگا۔
