شام میں امریکی ہیلی کاپٹر ٹکرا گئے، 8 فوجی ہلاک
Oct ۰۸, ۲۰۱۷ ۱۸:۲۳ Asia/Tehran
شام کے شمال مشرقی علاقے الحسکہ میں امریکا کے دو فوجی ہیلی کاپٹروں کے آپس میں ٹکراجانے کے نتیجے میں کم سے کم آٹھ امریکی فوجی ہلاک ہوگئے ہیں۔
خبروں میں کہا گیا ہے کہ شام کے شمال مشرقی صوبے الحسکہ کی تل بیدر تربیتی چھاؤنی سے امریکا کے دو ہیلی کاپٹر پرواز کرنے کے بعد ایک دوسرے سے ٹکرا کر دھماکے سے تباہ ہوگئے۔
الحسکہ میں تل بیدر فوجی چھاؤنی پر اس وقت شامی کرد ملیشیا کا کنٹرول ہے۔ وائی پی جی نامی کرد ملیشیا کو امریکا کی حمایت حاصل ہے۔
یہاں یہ بات قابل ذکرہے کہ شام کے شمال مشرقی علاقے میں امریکا کی فوجی موجودگی شامی حکومت کی اجازت کے بغیر ہے اور شامی حکومت نے بارہا اعلان کیا ہے کہ شام کے اندر غیر ملکی افواج کی موجودگی غیر قانونی ہے۔