SAHAR

یمنی فورسز اور قبائل نے صوبہ مآرب میں ایک کارروائی کے دوران 18 سعودی اتحادی فوجیوں کو ہلاک کردیا ہے۔

العالم کی رپورٹ کے مطابق یمنی فورسز نے صوبہ مآرب کے صرواح علاقہ میں سعودی آلہ کارفوجیوں پر حملہ کیا جس کے نتیجے میں 18 کرائے کے فوجی ہلاک اور درجنوں زخمی ہوگئے ہیں۔

یمنی فورسز نے سعودی عرب کی ایک فوجی گاڑی کو بھی تباہ کردیا ہے۔

ادھر سعودی عرب کے جنگی طیاروں کی یمن کے مختلف صوبوں پر بمباری جاری ہے جس میں اب تک 35 ہزار افراد شہید اور زخمی ہوئے ہیں۔

ذرائع کے مطابق یمن میں سعودی عرب کو تاریخی شکست کا سامنا ہے اور وہ دس ملکوں کے ساتھ مل کر بھی یمنی قوم کو شکست نہیں دے سکا ۔

سعودی عرب کو یمنی عوام کے خلاف اس ظالمانہ اور غیر منصفانہ  جنگ میں دس ممالک کی حمایت بھی حاصل ہے جن میں امریکہ بھی شامل ہے۔