عراق میں امریکی فوجیوں کی کارروائی پر بعض پابندیاں
Jan ۰۴, ۲۰۲۰ ۲۰:۲۷ Asia/Tehran
عراق کی مسلح افواج کی کمانڈ نے عراق میں تعینات امریکی فوجیوں کے لئے شرائط اور پابندیاں عائد کردی ہیں
عراق کی مسلح افواج کی کمانڈ نے سنیچر کو اعلان کیا کہ عراق کی فوج کی اجازت سے ہی امریکہ عراق میں کسی طرح کی فوجی کارروائی کر سکےگا۔
عراق کی مسلح افواج کی کمانڈ کی جانب سے یہ فرمان ، امریکہ کی دہشتگرد فوج کے ہاتھوں سپاہ پاسداران کی قدس بریگیڈ کے کمانڈر شہید جنرل قاسم سلیمانی اور عراقی رضاکار فورس الحشدالشعبی کے نائب سربراہ ابومہدی المھندس کو شہید کئے جانے کے بعد جاری ہوا ہے۔
درایں اثنا عراق کے الصادقون دھڑے نے امریکی فوجیوں کو ملک سے باہر نکالنے کے لئے پارلیمنٹ میں قانون منظور کئے جانے کی حمایت میں اسّی سے زیادہ ممبران پارلیمنٹ کے دستخط اکٹھا کر لئے ہیں
عراقی عوام اورحکام ایک عرصے سے امریکی فوجیوں کو اپنے ملک سے نکالنے کا مطالبہ کر رہے ہیں ۔