یمن، ماہ رمضان میں بھی جاری ہے سعودی جارحیت
Apr ۲۸, ۲۰۲۰ ۱۹:۳۱ Asia/Tehran
جارح سعودی اتحاد کے جنگی طیاروں نے یمن میں جنگ بندی کی خلاف ورزی کرتے ہوئے صوبہ صعدہ اور الحدیدہ پر بمباری کی ہے
جارح سعودی اتحاد نے منگل کو یمن کے صوبہ صعدہ کے شمالی علاقوں خاص طور سے الظاہر علاقے کو کئی بار اپنے حملوں کا نشانہ بنایا ۔ سعودی جنگی طیاروں نے یمن کے صوبہ الحدیدہ کے مختلف علاقوں پر بھی بمباری کی ۔ ابھی تک ان حملوں کے باعث ہونے والے جانی و مالی نقصانات کی رپورٹ سامنے نہیں آئی ہے۔
جارح سعودی عرب کے جنگی طیاروں نے اتوار کو جوف ، ضالع ، صعدہ اور صنعا صوبوں پر انتیس بار بمباری کی تھی۔
یمن میں سعودی عرب کی جانب سے جنگ بندی کے دعوے کے بعد اس مسلمان ملک پر سعودی بمباری میں پہلے سے زیادہ شدت آگئی ہے ۔
