بی بی سی پر پیشہ ورانہ اخلاق کو پامال کرنے کا الزام
Dec ۱۵, ۲۰۱۸ ۱۷:۴۲ Asia/Tehran
پاکستان کی وزیر برائے انسانی حقوق نے برطانوی نشریاتی ادارے بی بی سی پر اپنے ملک کے وزیر خزانہ کے انٹرویو کو توڑ مروڑ کے پیش کرنے اور بعض حصوں کو خاص مقاصد کے تحت سینسر کرنے کا الزام عائد کیا ہے۔
شیریں مزاری نے اپنے ایک بیان میں کہا ہے کہ بی بی سی نے وزیر خزانہ اسد عمر کے انٹرویو کے بعض حصوں کو سینسر جبکہ کلبھوشن یادو سے متعلق گفتگو کو نشر ہی نہیں کیا۔
کلبھوش یادو ایک ہندوستانی شہری ہے جسے پاکستان میں جاسوسی کے الزام میں سزائے موت سنائی گئی ہے۔
پاکستان کی وزیر برائے انسانی حقوق نے بی بی سی کو پیشہ وارانہ اخلاق سے عاری ادارہ قرار دیا ہے۔