SAHAR

یہ خط ارسال کیا ہے ہندوستان کے زیرانتظام کشمیر کے صدر مقام سری نگر سے محمد شائق صاحب نے

لکھتے ہیں سب سے پہلے میں ریڈیو تہران کی پوری ٹیم کو بہترین پروگرام پیش کرنے پر مبارک باد پیش کرتا ہوں۔

انٹرنیٹ سروس جب بھی مہیّا ہوتی ہے ریڈیو تہران کے پروگرام سن لیتا ہوں اور آپ کے سب ہی پروگرام مجھے بہت پسند ہیں خاص طور پر علاقائی اور عالمی خبریں میری توجہ کا باعث ہوتی ہیں۔

ریڈیو تہران کی اردو سروس سے سری نگر سے سبط محمد حسن صاحب کی رپورٹ بھی نشر ہوتی ہے جو کشمیر میں رونما ہونے والے واقعات پر مبنی ہوتی ہے۔ اس کے علاوہ پروگرام اسلامی شخصیات بھی بہت اچھا پروگرام ہے جس میں عالم اسلام کے معروف اور برجستہ دانشوروں کے بارے میں گفتگو ہوتی ہے۔

محمد شائق صاحب لکھتے ہیں کہ ریڈیو تہران سے نشر ہونے والے پروگرام فکر انگیز ہوتے ہیں ہمیشہ اتحاد و یکجہتی کا پیغام دیا جاتا ہے اور دشمنان اسلام جس میں سرفہرست امریکہ اور اسرائیل ہیں کے سازشی منصوبوں کو بے نقاب کیا جاتا ہے۔ شاید میں یہ بات لکھنے میں حق بجانب ہوں کہ ریڈیو تہران دنیا کے دیگر ریڈیو اسٹیشوں کے مقابلہ میں اپنی حق گوئی کی وجہ سے ممتاز مقام کا حامل ہے۔