SAHAR

سائنسدانوں نے جیمز ویب نامی معروف ٹیسلکوپ سے لی گئی مشتری سیارے کی کچھ حیرت انگیز تصاویر جاری کی ہیں جن سے اس سیارے کے اسرار و رموز مزید آشکار ہوتے جا رہے ہیں۔

جیمز ویب اب تک کی سب سے بڑی اور طاقتور فلکیاتی رصدگاہ ہے جسے کائنات کے مزید اسرار و رموز سے پردے ہٹانے کے لئے خلا میں بھیجا گیا ہے۔

اب تک کا سب سے بڑا یہ ٹیلسکوپ جدید ترین ٹیکنالوجی سے لیس ہے جس کو تیار کرنے کے لئے دس ارب ڈالر صرف کئے گئے ہیں۔ اس اعتبار سے فلکیات کے شعبے میں بننے والا یہ سب سے مہنگا آلہ ہے۔

تصاویر میں سیارے پر اٹھنے والے طوفانوں، گردابی ہواؤں اور قطبی انوار جیسی بے نظیر روشنیوں کا مشاہدہ کیا جا سکتا ہے۔ ان تصاویر بھی صرف مشتری ہی نہیں بلکہ اسکے اطراف میں موجود مدھم روشنی کے حلقوں اور اسکے ارد گرد طواف کر رہے دو چھوٹے قَمَروں کو بھی دیکھا جا سکتا ہے۔