SAHAR

ہندوستان کے زیر انتظام ریاست جموں کشمیر کے دارالحکومت سری نگر کے قریب پمپور علاقے میں مسلح شدت پسندوں نے سی آر پی ایف کے ایک قافلے پر حملہ کر کے دو فوجی جوانوں کو ہلاک اور متعدد کو زخمی کردیا ہے۔

ہندوستانی میڈیا نے بتایا کہ ہفتے کی سہ پہر مسلح شدت پسندوں نے سی آر پی ایف کے ایک قافلے پر حملہ کردیا اس حملے میں دو فوجی ہلاک اور نو زخمی ہوگئے -

بتایا جاتا ہے کہ اس حملے کے بعد فوج اور مسلح شدت پسندوں کے درمیان معرکہ آرائی جاری ہے -

ہندوستانی میڈیا کا کہنا ہے کہ دو سے تین مسلح شدت پسند ای ڈی آئی کی سرکاری عمارت میں چھپے ہوئے ہیں-

اطلاعات ہیں کہ فائرنگ کے تبادلے میں ایک عام شہری بھی زخمی ہوا ہے- جموں کشمیر کی پولیس کا کہنا ہے کہ ای ڈی آئی کی عمارت میں ایک سو سے ایک بیس افراد پھنسے ہوئے تھے جنھیں بحفاظت باہر نکال لیاگیا ہے -