SAHAR

ہندوستان کی جنوبی ریاست تلنگانہ میں ایک سڑک حادثے میں ایک ہی خاندان کے پندرہ افراد ہلاک ہو گئے ہیں۔

نیوز ایجنسی پی ٹی آئی کے مطابق یہ حادثہ ریاست تلنگانہ کے عادل آباد ضلع میں پیش آیا اور حادثہ میں ہلاک ہونے والے ایک ہی خاندان کے سبھی پندرہ لوگوں کا تعلق ریاست مہاراشٹر سے تھا - اس حادثے میں مرنے والوں میں پانچ خواتین اور سات بچے شامل ہیں۔

یہ حادثہ اس وقت پیش آیا جب ایک تیز رفتار ٹرک ایک آٹو سے ٹکرا گیا - آٹو میں سوار سبھی پندرہ افراد جو ایک مندر میں پوجا کے لئے جا رہے تھے، ہلاک ہو گئے۔

حادثے میں مرنے والوں کا تعلق ریاست مہاراشٹر کے ناندیڑ ضلع سے ہے جو ریاست تلنگانہ میں محنت مزدوری کرتے تھے۔