ہندوستان میں دھماکہ، 10 افراد زخمی
Oct ۱۵, ۲۰۱۷ ۰۸:۴۲ Asia/Tehran
ہندوستان میں میلے کے دوران بم دھماکے میں زخمی ہونے والے افراد میں سے دو کی حالت تشویشناک بتائی جاتی ہے۔
ہندوستان کی ریاست منی پور کے امپھال میں ٹیرا کلرام لیراک میلے میں گزشتہ رات بم دھماکہ ہوگیا جس میں 10 افراد زخمی ہوگئے ہیں۔ پولیس کا کہنا ہے کہ تمام زخمیوں کو ہسپتال میں داخل کرایا گیا ہے جہاں دو کی حالت سنگین بتائی جارہی ہے۔ پولیس ٹیم اس جگہ کی تحقیقات کر رہی ہے۔ ابھی تک کسی نے اس دھماکے کی ذمہ داری قبول نہیں کی۔
