ارویند کجریوال : دہلی میں عوام کے لئے کورونا کا ٹیکہ مفت لگایا جائے گا
Apr ۲۶, ۲۰۲۱ ۱۹:۱۲ Asia/Tehran
ہمارے نمائندے کی رپورٹ کے مطابق دہلی کے وزیراعلی ارویند کجریوال نے پیر کو اعلان کیا ہے کہ قومی دارالحکومت دہلی میں یکم مئی سے اٹھارہ سال سے زائد عمر کے لوگوں کو کورونا کا ٹیکہ مفت لگایا جائے گا۔
دہلی کے وزیراعلی ارویند کجریوال نے پریس کانفرنس میں اعلان کیا ہے کہ دہلی کی ریاستی حکومت نے ایک کروڑ چونتیس لاکھ کورونا ویکسین خریدنے کی منظوری دے دی ہے ۔ انھوں نے کہا کہ ان کی پوری کوشش ہے کہ ویکسین کی خریداری جلد مکمل ہو اور لوگوں کو جلد سے جلد ٹیکہ لگا دیا جائے۔
انھوں نے اسی کے ساتھ کہا کہ ویکسین کی قیمت ایک ہونی چاہئے ۔
دہلی کے وزیراعلی نے ویکسین بنانے والی کمپنیوں سے اپیل کی ہے کہ کورونا ویکسین کی قیمت کم کرکے ایک سو پچاس روپے کردی جائے ۔ انہوں نے مرکزی حکومت سے بھی مطالبہ کیا کہ ویکسین کی قیمت یکساں اور کم کرنے کے لئے ضروری اقدامات کئے جائیں۔