چندریان 3 کی چاند پر کامیاب لینڈنگ کے بعد ہندوستان نے سورج کی تحقیق کےلئے پہلا سولر مشن آج خلاء میں روانہ کر دیا ہے۔

سحرنیوز/ہندوستان: بین الاقوامی میڈیا کی رپورٹ کے مطابق ہندوستان نے چاند پر اپنے کامیاب چاندریان 3 خلائی گاڑی کی لینڈنگ کے بعد آج سورج کی تحقیق کےلئے اپنا پہلا سولر مشن راکٹ کے ذریعے روانہ کر دیا ہے۔
رپورٹ کے مطابق ہندوستانی خلائی تحقیقاتی ادارے اسرو میں سورج کی تحقیق کےلئے اس راکٹ کی کامیاب پرواز پر تالیاں بجائی گئیں اور اسے اسرو کی ویب سائیٹ پر لائیو بھی دکھایا گیا۔
یاد رہے کہ ہندوستان کے وزیراعظم نریندرا مودی کے احکامات پر ہندوستان نے خلائی لانچ کے نظام کو پرائیویٹائز کر دیا ہے اور وہ غیر ملکی سرمایہ کاروں کو اس شعبے میں سرمایہ کاری لانے کی کوشش کر رہے ہیں اور ہندوستان، اگلے دس سالوں میں عالمی خلائی لانچ مارکیٹ میں اپنے حصے کو پانچ گنا بڑھانے کی کوشش کر رہا ہے۔