جموں کشمیر کی اسمبلی میں شدید ہنگامہ آرائی
ہندوستان کے زیرانتظام جموں کشمیر کی اسمبلی میں جمعہ کو مسلسل پانچويں روز بھی خطے کا خصوصہ درجہ بحال کئے جانے کی قرار داد پر ہنگامہ ہوا۔
سحر نیوز/ ہندوستان: جمعہ کو جموں کشمیر کی اسمبلی کے اجلاس کے پانچویں اور آخری دن بھی پی ڈی پی ، پیپلزکانفرنس اور عوامی اتحاد پارٹی کے اراکین اور بی جے پی کے ممبران کے درمیان ہاتھا پائی کے باعث ایوان میں شدید ہنگامے کے مناظر دیکھنے کو ملے۔
جمعہ کو اسمبلی کا اجلاس جوں ہی شروع ہوا بی جے پی کے اراکین نے خصوصی اختیارات سے متعلق قرارداد کے خلاف شدید احتجاج کرنا شروع کردیا - ہنگامے کی شدت کو دیکھتے ہوئے اسپیکر بی جے پی کے ارکان کو باہرنکالنے کا حکم دے دیا جبکہ باقی بی جے پی ممبران نے اجلاس سے واک آؤٹ کیا ۔
ہندوستان کے زیرانتظام جموں کشمیر میں نیشنل کانفرنس اور کانگریس کی مخلوط حکومت کے ذریعے خطے کی خصوصی بحیثیت اور دفعہ تین سوستر بحال کرنے کے حق میں قرارداد اسمبلی میں پیش کی تھی جسے اکثریت سے منظور کرلیا گیا تاہم بی جے پی اس کی شدت کے ساتھ مخالفت کررہی ہے۔
