فلسطین کی حمایت میں پرینکا گاندھی کا نیا کارنامہ، موقع-موقع پرغزہ کے مظلوموں کے حق میں آواز بلند کرتیں کانگریسی رہنما
Dec ۱۶, ۲۰۲۴ ۱۸:۰۹ Asia/Tehran
ہندوستان میں حزب اختلاف کی جماعت کانگریس پارٹی کی جنرل سیکریٹری پرینکا گاندھی نے مظلوم فلسطینیوں سے یکجہتی کا اظہار کیا ہے۔
سحرنیوز/ہندوستان: ہندوستان کے میڈیا ذرائع نے رپورٹ دی ہے کہ ہندوستان میں حزب اختلاف کی جماعت کانگریس پارٹی کی جنرل سیکریٹری پرینکا گاندھی پیر کو ایک ایسا تھیلا لے کر لوک سبھا پہنچیں جس پر فلسطین لکھا ہوا تھا۔ ہندوستان میں حزب اختلاف کی جماعت کانگریس کی جنرل سیکریٹری پرینکا گاندھی کی جانب سے صیہونی حکومت کی جارحیت کی مذمت اور فلسطینیوں سے اظہار یکجہتی کے لئے مختلف موقعوں پر آواز اٹھائی جاتی رہی ہے۔
اس سے قبل نئی دہلی میں فلسطین کے سفارت خانے کے سربراہ عبد الرزاق نے پرینکا گاندھی سے ملاقات کر کے وائناڈ سے رکن پارلیمنٹ منتخب ہونے پر مبارک باد پیش کی تھی۔
