کانگریس نے کل جماعتی اجلاس کو محض رسمی کارروائی قرار دیا
کانگریس پارٹی نے پارلیمنٹ کے سرمائی اجلاس سے قبل حکومت کی طرف سے آج بلائے گئے کل جماعتی اجلاس کو محض رسمی کاروائی قراردیا ہے
سحرنیوز/ہندوستان: اپوزیشن جماعت کانگریس پارٹی نے پارلیمنٹ کے سرمائی اجلاس سے قبل حکومت کی طرف سے آج بلائے گئے کل جماعتی اجلاس کو محض رسمی قرار دیتے ہوئے کہا کہ حکومت من مانی سے کام لے رہی ہے اور اس نے اپوزیشن کو بتائے بغیر چند موضوعات کی فہرست بنا کر اپنے ارادے ظاہر کردیے ہیں ۔
ہمیں فالو کریں:
Facebook, X, instagram, tiktok : Follow us
میٹنگ میں شرکت کے بعد کانگریس لیڈر جے رام رمیش نے سوشل میڈیا پر لکھا "کل سے شروع ہونے والے پارلیمنٹ کے سرمائی اجلاس کے ایجنڈے پر بحث کے لیے مودی حکومت کی طرف سے آج بلائی گئی کل جماعتی میٹنگ محض رسمی سیشن ہے-
ادھر حکومت نے کہا ہے کہ اتوار کے روز بلائی گئی کل جماعتی میٹنگ خوشگوار ماحول میں ہوئی اور امید ہے کہ سرمائی اجلاس کو مؤثر طریقے سے چلانے میں تمام جماعتیں حکومت کا تعاون کریں گی وزیر دفاع راج ناتھ سنگھ نے اس اجلاس کی صدارت کی ۔
پارلیمانی امور کے وزیر کرن رجیجو نے اجلاس کے بعد پارلیمنٹ احاطے میں صحافیوں سے بات کرتے ہوئے کہا کہ ’’تمام جماعتوں کے لیڈروں کے ساتھ ہوئی میٹنگ بہت اچھی، انتہائی مفید اور خوشگوار رہی-
