لوک سبھا میں پرانے قوانین کو ختم کرنے والے منسوخی اور ترمیمی بل دوہزار پچیس کو منظور

Dec ۱۶, ۲۰۲۵ ۱۸:۴۸ Asia/Tehran

ہندوستانی پارلیمنٹ کے ایوان زیریں لوک سبھا میں آج منگل کو پرانے قوانین کو ختم کرنے والے منسوخی اور ترمیمی بل دوہزار پچیس کو منظور کر لیا گیا۔

سحرنیوز/ہندوستان: بل پر بحث کا جواب دیتے ہوئے وزیر قانون و انصاف ارجن رام میگھوال نے کہا کہ اس بل پرچوبیس لوگوں نے بات کی ہے اور یہ ایک اچھی پہل ہے۔

انہوں نے مزید کہا کہ مودی حکومت کے قیام کے بعد قانون بنانا یا کسی قانون کی ضرورت نہ ہونے پر اسے منسوخ کرنے کا کام مسلسل کیا گیا ہے۔

ہمیں فالو کریں:

دریں اثنا لوک سبھا میں اپوزیشن جماعتوں کے اراکین نے اس منسوخ اور ترمیمی بل کو وقت کا ضیاع قرار دیتے ہوئے کہا کہ اس میں بہت سے بل اسی حکومت نے پاس کیے ہیں اور اب انہیں ختم کیا جارہا ہے۔

اپوزیشن ارکان نے یہ بھی کہا کہ حکومت کو چاہیے کہ وہ لوگوں کو بروقت انصاف کی فراہمی کو یقینی بنانے کے لیے پہل کرے اور اس کے حصول کے لیے ججوں کی تقرری کرے۔

کانگریس کے وکیل ڈین کوریاکوس نے منسوخ اور ترمیمی بل دوہزار پچیس پر بحث کا آغاز کرتے ہوئے کہا کہ نوآبادیاتی دور کے قوانین کو منسوخ کرنے کی آڑ میں مکمل من مانی کی جا رہی ہے