آج سے شروع ہو رہا ہے کشمیر میں "چلہ کلاں"، سری نگر میں ’پھیرن ڈے‘ کا انعقاد
کشمیر میں سخت ترین سردی کا 40 روزہ ’چلہ کلاں‘ آج سے شروع ہو رہا ہے۔ ’چلہ کلاں‘ سردیوں کا 40 دن کا شدید مشکل ترین دن ہوتا ہے جو 29 جنوری تک جاری رہتا ہے۔
سحرنیوز/ہندوستان: کشمیر میں سب سے سرد ’چلہ کلاں‘ کے 40 دن شروع ہونے والے ہیں۔ ساتھ ہی ڈویژنل ایڈمنسٹریشن نے سری نگر میں ’پھیرن ڈے‘ کے انعقاد کی بھی شروعات کر دی ہے۔ یہ 2 روزہ نمائش جموں و کشمیر ہینڈلوم ڈیولپمنٹ کارپوریشن کے ذریعہ کشمیری ثقافت اور دستکاری کو فروغ دینے کے لیے کیا گیا ہے۔ یہ نمائش کشمیر ہاٹ میں منعقد کی گئی ہے۔ اس کا مقصد سیاحتی سیزن آنے سے قبل کشمیری ثقافت اور دستکاری کو فروغ دینا ہے۔
یاد رہے کہ سب سے ٹھنڈا 40 روز کا دور اتوار (21 دسمبر) سے شروع ہو رہا ہے۔ اس نمائش کے ذریعہ ہم کاریگروں کی حوصلہ افزائی کرنا اور ساتھ ہی سردیوں میں سیاحوں کو کشمیر آنے کی دعوت دینا مقصد بتایا جا رہا ہے۔ حالانکہ نمائش کا تھیم روایت کشمیری لباس ’پیرہن‘ ہے، لیکن نمائش میں شائقین کو راغب کرنے کے لیے روایتی کشمیری موسیقی بھی پیش کی گئی۔
اس درمیان کشمیر میں ایک بار پھر شدید سردی کی لہر چھا گئی ہے۔ وادی کے زیادہ تر حصوں میں رات میں درجہ حرارت صفر سے نیچے چلا گیا ہے اور پلوامہ منفی 4 ڈگری سیلسیس کے ساتھ سب سے ٹھنڈا مقام رہا ہے۔ محکمہ موسمیات کے ایک افسر نے بتایا کہ وادی کے بیشتر مقامات پر رات کا درجہ حرارت ’فریزنگ پوائنٹ‘ سے نیچے گر گیا ہے۔ انہوں نے مزید کہا کہ اس ہفتے کے آغاز میں تھوڑی راحت کے بعد سردی کی شدت میں مزید اضافہ ہو گیا ہے۔
ہمیں فالو کریں:
Follow us: Facebook, X, instagram, tiktok whatsapp channel
سری نگر میں کم از کم درجہ حرارت منفی 2.1 ڈگری سیلسیس ریکارڈ کیا گیا، جو کہ گزشتہ رات کے مقابلے میں تقریباً 2 ڈگری سیلسیس کی نمایاں گراوٹ ہے۔ شہر کا ایئرپورٹ اس سے بھی زیادہ ٹھنڈا تھا، جہاں درجہ حرارت منفی 3.4 ڈگری سیلسیس درج کیا گیا۔ اب کشمیر اتوار (21 دسمبر) کو ’چلہ کلاں‘ کی شروعات کے لیے تیار ہے۔ یہ وہ وقت ہوتا ہے جب سب سے زیادہ سردی ہوتی ہے اور برف باری کے امکانات سب سے زیادہ ہوتے ہیں۔ ’چلہ کلاں‘ سردیوں کا 40 دن کا شدید مشکل ترین دن ہوتا ہے جو 29 جنوری تک جاری رہتا ہے۔
