SAHAR

انھوں نے یمن میں تکفیری دہشت گردوں کی سرگرمیاں اور سعودی جارحیت بند کرانے کے لئے عالمی برادری کے فوری اور موثر اقدام کی ضرورت پر تاکید کی- ایران کے دفتر خارجہ کی ترجمان مرضیہ افخم نے یمنی عوام کی ابتر صورت حال کی طرف اشارہ کرتے ہوئے ان کے لئے انسان دوستانہ امداد کی ضرورت پر زور دیا اور عالمی اداروں سے مطالبہ کیا کہ وہ، یمنی عوام کے لئے انسان دوستانہ امداد فوری طور پر روانہ کئے جانے کے حوالے سے حالات کو جلد سے جلد سازگار بنائیں-

واضح رہے کہ صنعا کی مسجد البلیلی میں نماز عیدالاضحی کے دوران ہونے والے خودکش دہشت گردانہ بم دھماکوں میں کم از کم انتیس نمازی شہید اور درجنوں دیگر زخمی ہوئے ہیں- اس سے قبل یمن کے دارالحکومت صنعا کی مساجد میں اس قسم کے ہونے والے دہشت گردانہ بم دھماکوں کی ذمہ داری، داعش تکفیری اور القاعدہ سے وابستہ دہشت گردوں نے قبول کی تھی-