SAHAR

 انھوں نے کہا کہ پاسداران انقلاب اسلامی فورس پوری طرح تیار ہے اور جب بھی رہبر انقلاب اسلامی نے ارادہ کرلیا ، سانحہ منی کے تعلق سے سعودی حکومت کے خلاف سخت ترین انتقامی کارروائی انجام دی جائے گی۔ 

انھوں نے کہا کہ سپاہ پاسداران انقلاب اسلامی ، آل سعود کے ظالم اور جاہل حکام کے مقابلے میں ، مسلمین عالم بالخصوص ایران کے انقلابی عوام کے حقوق کے دفاع اور آل سعود کو اس کے ہولناک جرائم کی سخت ترین سزا دینے کے لئے ، ہر وقت اور ہر علاقے میں برق رفتار کارروائیاں انجام دینے پر قادر ہے۔ انھوں نے کہا کہ ہم رہبر انقلاب اسلامی کے فرمان کے منتظر ہیں اور حکم ملتے ہی اقدام کریں گے۔

جنرل محمد علی جعفری نےکہا کہ آل سعود کی ابو لہبانہ جہالتوں اور خیانتوں جیسے یمن کے عوام کے قتل عام، شام کے عوام کو بے گھر اور در بدر کرنے، بحرینی عوام کی سرکوبی، عراق میں دہشت گردوں کے ہاتھوں عوام کے قتل عام، فرقہ وارانہ تفرقہ اندازی اور دہشت گردوں کی حمایت و پشت پناہی سے اسلامی دنیا عاجز آچکی ہے اور وہ دن قریب ہے جب مسلم امہ کے غیظ و غضب کی آگ آل سعود کو جلاکے راکھ کردے گی۔