حادثے کا شکار ہونے والے مسافر بردار طیارے کا ملبہ مل گیا
Feb ۲۰, ۲۰۱۸ ۱۱:۴۳ Asia/Tehran
سپاه پاسداران انقلاب اسلامی کے ترجمان نے کہا ہے کہ حادثے کا شکار ہونے والے مسافر بردار طیارے آسمان ایر کا ملبہ مل گیا ہے۔
ہمارے نمائندے کی رپورٹ کے مطابق سپاه پاسداران انقلاب اسلامی کے ترجمان رمضان شریف نے آج صبح کہا کہ سپاه پاسداران انقلاب اسلامی کے ہیلی کاپٹروں نے دنا کے پہاڑی سلسلے میں حادثے کا شکار ہونے والے مسافر بردار طیارے آسمان ایر کے ملبے کا پتہ لگا لیا ہے۔
واضح رہے کہ اتوار کے روزاسلامی جمہوریہ ایران میں آسمان کمپنی کامسافر بردارطیارہ اے ٹی آر 72 گر کر تباہ ہوگیا جس میں سوار 66 افراد جاں بحق ہوگئے۔
عالمی سطح پر شائع اور نشر ہونے والے اعداد شمار کے مطابق گزشتہ 63 برسوں میں طیاروں کے سب سے زیادہ حادثات امریکہ، روس اور برازیل میں ہوئے جس کے بعد کولمبیا، کینیڈا،برطانیہ اور فرانس میں طیاروں کے حادثات رونما ہوئے۔
