خلیج فارس میں امریکہ کو ایران کا انتباہ
ایران کی سپاہ پاسداران انقلاب اسلامی کی بحریہ کے کمانڈر نے کہا ہے کہ خلیج فارس میں امریکی جب بھی اور جدھر بھی نظر دوڑائیں گے انھیں سپاہ کی بحریہ ہی نظر آئے گی۔
ایران کی سپاہ پاسداران انقلاب اسلامی کی بحریہ کے کمانڈر ایڈمرل علی فدوی نے خلیج فارس، بحیرہ عمان اور بحر ہند میں امن کو ضروری قرار دیتے ہوئے کہا کہ علاقے کے ممالک بحری سلامتی کے قیام میں اہم کردار ادا کر رہے ہیں اور اس سلسلے میں انھیں خودکفا اور خود اعتمادی کی ضرورت ہے۔
انھوں نے کہا کہ علاقے میں پائی جانے والی بدامنی امریکہ، برطانیہ اور فرانس کی پالیسیوں کا نتیجہ ہے اور یہی ممالک ماضی میں بھی بدامنی کا باعث بنے رہے ہیں۔
ایڈمرل علی فدوی نے کہا کہ علاقے پر امریکہ کی حریصانہ نظریں جمی ہوئی ہیں جبکہ یہ بات مسلمہ ہے کہ خلیج فارس اور پورے علاقے میں امن و سلامتی کا ذریعہ اس علاقے سے امریکہ سمیت تمام اغیار کا انخلا ہے۔
