ایران دشمن کے مقابلے میں سربلند ہے:جنرل علی فدوی
Jan ۱۲, ۲۰۱۹ ۱۰:۳۷ Asia/Tehran
سپاہ پاسداران انقلاب اسلامی کے کمانڈر نے کہا ہے کہ اسلامی انقلاب کے دشمنوں نے گزشتہ 40 سال کے دوران ایران کے خلاف ہر قسم کا پروپیگنڈہ کیا لیکن اس کے باوجود ایران دشمن کے مقابلے میں سربلند ہے۔
ایران کی سپاہ پاسداران انقلاب اسلامی کے اعلی کمانڈر بریگیڈیر جنرل علی فدوی نے کہا کہ ایران کے دشمنوں نے اعتراف کیا ہے کہ اپنےتمام وسائل اور پیشرفتہ ہتھیاروں کے باوجود اب تک وہ ایران کے خلاف اپنے کسی بھی مقصد میں کامیاب نہیں ہوئے ہیں۔
بریگیڈیر جنرل علی فدوی نے کہا کہ اسلامی انقلاب کی کامیابی کے بعد سے ایران کے خلاف دشمنوں کی کارروائیاں جاری ہیں اور تاریخ میں اس قسم کی طویل دشمنی کی مثال نہیں ملتی لیکن اس کے باوجود ایران کے دشمن اپنے مقاصد میں کامیاب نہیں ہوئے۔
