SAHAR

چین کی حکمراں جماعت کمیونیسٹ پارٹی کے شعبہ بین الاقوامی تعلقات کے سربراہ سونگ تاؤ سے بات چیت کرتے ہوئے ڈاکٹر علی لاریجانی کا کہنا تھا کہ ایران چین اور بعض دوسرے دوست ملکوں کے درمیان صلاح و مشورے  سے امریکہ کے مخاصمانہ اقدامات کے اثرات کو زائل کیا جا سکتا ہے۔ 

ڈاکٹر علی لاریجانی نے اپنے دورہ چین کی جانب اشارہ کرتے ہوئے کہا کہ چینی حکام کے ساتھ ان کی ملاقاتوں کے نتیجے دونوں ملکوں کے تعلقات میں نئے باب کا آغاز ہوا ہے۔ 

چین کی حکمراں جماعت کمیونیسٹ پارٹی کے شعبہ بین الاقوامی تعلقات سربراہ سونگ تاؤ نے علاقے اور دنیا کی پیچیدہ صورتحال کا ذکر کرتے ہوئے ایران اور چین کے درمیان طے پانے والے اہم سمجھوتوں پر عملدرآمد کی ضرورت پر زور دیا۔ 

سونگ تاؤ نے کہا کہ ایران کے تعلقات کے فروغ سے متعلق چین کے عزم میں کوئی خلل واقع نہیں ہو گا اور ان کا ملک تمام شعبوں میں ایران کے ساتھ تعلقات کو آگے بڑھاتا رہے گا۔