SAHAR

ہمارے نمائندے کے مطابق اسلام آباد میں متعین ایران کے سفیر سید محمد علی حسینی نے پاکستان کے وزیر شہری ہوابازی غلام سرور خان سے ملاقات کی جس میں دونوں ملکوں کے درمیان تعاون کے فروغ کی راہوں کا جائزہ لیا گیا۔ 

سید محمد علی حسینی نے اس موقع پر ایران کے خلاف امریکہ کی اقتصادی اور میڈیکل دہشت گردی کے تعلق سے بھی پاکستان کے وزیر شہری ہوا بازی کو آگاہ کیا۔ 

پاکستان کے وزیر شہری ہوابازی غلام سرور خان نے اس موقع پر یہ بات زور دے کہی کہ کورونا کے خلاف کامیابی کے بعد دونوں ملکوں کے درمیان تعلقات میں مزید فروغ کا مشاہدہ کیا جائے گا۔ انہوں نے میڈیکل کے شعبے میں ایران کی ترقی اور بعض میڈیکل آلات کی تیاری میں اس کے خود کفیل ہونے کی تعریف کی۔ 

پاکستان کے وزیر شہری ہوا بازی نے ایران کے خلاف امریکی پابندیوں کو غیر انسانی قرار دیتے ہوئے کہا کہ موجودہ صورتحال میں عالمی برداری کو اسلامی جمہوریہ ایران اور ایرانی قوم کی بھرپور طریقے سے مدد کرنا چاہیے۔ 

ایرانی سفیر اور پاکستان کے شہری ہوا بازی کے وزیر نے یہ بات زور دے کر کہی بعض قوتوں کی جانب سے تخریبی کوششوں کے باوجود ایران اور پاکستان کے درمیان تعلقات کا فروغ جاری رہے گا۔