ایران کے لئے عالمی جوہری توانائی کے ادارے کی طبی امداد
عالمی جوہری توانائی کا ادارہ بہت جلد ایران کو کورونا وائرس فیسٹ ٹسٹ ڈیواسز بھیجے گا۔
ویانا کی بین الاقوامی تنظیموں میں تعنیات ایران کے مستقل مندوب کاظم غریب آبادی نے جمعرات کے روز صحافیوں سے گفتگو کرتے ہوئے کہا کہ بین الاقوامی جوہری توانائی کا ادارہ بہت جلد ایران کو کورونا وائرس فسٹ ٹیسٹ ڈیواسز بھیجے گا۔
انہوں نے مزید کہا کہ ان دو ڈیواسز کے علاوہ، ڈیواسز استعمال کرنے والوں کے لئے ذاتی تحفظ کا سامان، اسٹارٹ اپ اور انشانکن سازو سامان اور تشخیصی کٹس بھی بھیجے جائیں گے۔
یہ بات قابل ذکر ہے کہ اب تک کئی بین الاقوامی تنظیموں، اداروں اور ممالک نے طبی ساز و سامان بھیجے جبکہ یورپی یونین کی خارجہ پالیسی کے سربراہ جوزف بورل نے بھی اس سے پہلے ایران میں کورونا وائرس کے پھیلاؤ کے پیش نظر ایران کو ادویات اور طبی امداد بھیجنے پر زور دیتے ہوئے کہا تھا کہ بہت جلد 200 لاکھ یورو پر مشتمل ضروری مصنوعات ایران بھجوائیں گے۔
واضح رہے کہ ایرانی محکمہ صحت کے مطابق اب تک ملک میں مجموعی طور پر 50468 افراد کورونا وائرس میں مبتلا ہوگئے ہیں جن میں سے 3160 افراد کا انتقال ہوا جبکہ 16711 متاثرہ افراد صحت یاب ہوئے ہیں۔
