SAHAR

ایران کے صدر نے مصطفیٰ الکاظمی کو عراق کا وزیر اعظم منتخب ہونے پر مبارکباد پیش کی ہے۔

اسلامی جمہوریہ ایران کے صدر حسن روحانی نے عراق کے نئے وزیر اعظم مصطفی الکاظمی کو عراق کا وزیر اعظم منتخب ہونے پر مبارکباد پیش کی۔ 

صدر مملکت  نے اپنے پیغام میں عراق اور ایران کے باہمی تعلقات کے مزید فروغ پر تاکید کرتے ہوئے کہا کہ ایران تمام شعبوں میں عراق کے ساتھ تعاون کے فروغ کا خواہاں ہے۔

صدر روحانی نے کہا کہ دونوں ممالک کے درمیان باہمی تعاون علاقائی امن و سلامتی کے لئے اہم ہے۔

صدرمملکت نے عراقی وزیر اعظم کی ترقی و پیشرفت اور سربلندی کے لئے دعا بھی کی۔

واضح رہے کہ عراق کی پارلیمنٹ نے نئے وزیر اعظم مصطفی الکاظمی کی کابینہ کو جمعرات 7 مئی کو اعتماد کا ووٹ دیا جس کے بعد مصطفی الکاظمی باقاعدہ طور پر اس ملک کے وزیر اعظم قرار پائے۔