ایران میں دراندازی کی کوشش ناکام، 3 دہشت گرد ہلاک
Aug ۲۵, ۲۰۲۰ ۱۱:۱۳ Asia/Tehran
ایران کی سپاہ پاسداران انقلاب اسلامی نے ایران کے شمال مغربی علاقے میں دہشتگردی کے ایک نیٹ ورک کو تباہ کردیا ہے۔
اسلامی جمہوریہ ایران کی سپاہ پاسداران انقلاب اسلامی کے بیان میں آیا ہے کہ انقلاب مخالف ایک دہشتگرد گروہ سے وابستہ دہشت گرد ماکو کے علاقے سے ایران میں دراندازی کی کوشش کر رہے تھے جنھیں سپاہ پاسداران انقلاب اسلامی کے انٹیلیجنس ادارے کے جوانوں نے ناکام بنا دیا۔
دہشت گردوں نے پاسداران انقلاب اسلامی کے جوانوں پر فائرنگ کی تاہم جوابی فائرنگ کے نتیجے تینوں دہشتگرد ہلاک ہو گئے۔ دہشتگردوں سے جدید قسم کے ہتھیار، بارودی مواد اور وائرلیس سیٹ برآمد ہوئے۔
