SAHAR

ایران کی وزارت خارجہ کے ترجمان نے کہا ہے کہ غیر ملکی رہنماؤں کا بزدلانہ قتل ، امریکی اسرائیلی ٹریڈ مارک کی علامت ہے ۔

اسلامی جمہوریہ ایران کی وزارت خارجہ کے ترجمان سعید خطیب زادہ نے اپنے ٹوئٹر پیج میں بعض امریکی میڈیا کی جھوٹی خبروں پر اپنے ردعمل کا اظہار کرتے ہوئے لکھا کہ غیر ملکی رہنماؤں کا بزدلانہ قتل ، امریکہ اور اسرائیل  کی ملی بھگت کا نتیجہ ہے۔

خطیب زادہ نے کہا کہ واشنگٹن ٹائمز کو غلط خبریں اور ایران مخالف تعصبات کو پھیلانے کے بجائے سنجیدگی کا مظاہرہ کرنا چاہئیے حالانکہ اس  اخبارنے اس سے پہلے بھی  پیسوں کے بدلے منافقوں کے دہشت گردی اور فرقہ وارانہ تعصبات پر مبنی مضامین شائع کیے تھے۔

واضح رہے کہ گزشتہ روز واشنگٹن ٹائمز نے دعوی کیا تھا کہ ایران کے صدر حسن روحانی نے امریکی صدر ٹرمپ کو قتل کی دھمکی دی ہے۔