SAHAR

جوہری توانائی کے عالمی ادارے کے ڈائریکٹر کل رات ایران کے دورے پر تہران پہنچ گئے۔

فارس خبر رساں ایجنسی کی رپورٹ کے مطابق جوہری توانائی کے عالمی ادارے کے سربراہ رافائل گروسی کا تہران میں ایران کے جوہری ادارے کے نائب سربراہ اور عالمی جوہری ادارے میں ایران کے نمائندے کاظم غریب آبادی اور ایران کے جوہری توانائی کے ادارے کے ترجمان بہروز کمالوندی نے استقبال کیا۔

رافائل گروسی اپنے دورہ تہران میں ایران کے اعلی حکام سے ملاقاتیں کریں گے۔

 واضح رہے عالمی جوہری ادارے کے سربراہ رافائل گروسی کا یہ دوسرا دورہ ایران  ہے۔ رافائل گروسی نے اگست کے مہینے میں اسلامی جمہوریہ ایران کے حکام کی باضابطہ دعوت پر ایران کا پہلا دورہ کیا تھا اور اس دورے کا مقصد آئی اے ای اے اور ایران کے درمیان تعاون کا سلسلہ جاری رکھنا تھا۔