ایران جوہری معاہدے پر مذاکرات نہیں کرے گا: جواد ظریف کا اعلان
ایران کے وزیر خارجہ نے امریکی حکام کے جوہری معاہدے پر نئے مذاکرات کرنے کے دعوے پر اپنے ردعمل کا اظہار کرتے ہوئے کہا ہے کہ اس معاہدے پر نئے مذاکرات نہیں ہوں گے۔
اسلامی جمہوریہ ایران کے وزیر خارجہ محمد جواد ظریف نے اپنے ٹوئٹر پیج میں لکھا ہے کہ جوہری معاہدے پر دوبارہ بات چیت نہیں کی جاسکتی ہے۔ جواد ظریف نے امریکہ کے نائب وزیر خارجہ کے امیدوار وینڈی شرمین کے اس دعوے کے جواب میں لکھا ہے کہ 2021 میں خطے کی صورتحال بدل گئی تھی اور ایران کے ساتھ جوہری معاہدے پر بات چیت نئی شرائط کی روشنی میں ہونی چاہئے۔ اگر 2021 ، 2015 کی طرح نہیں ہے (جس سال جوہری معاہدے پر دستخط ہوئے تھے) تو پھر موجودہ صورتحال 1945 (اقوام متحدہ کی سلامتی کونسل میں ویٹو پاور کی منظوری) کی طرح نہیں ہے۔
ایران کے وزیر خارجہ نے 1945 کے مقابلے میں 2021 میں بدلتے ہوئے حالات کا حوالہ دیتے ہوئے لکھا کہ آئیے اقوام متحدہ کے منشور کو تبدیل کریں اور اس ویٹو پاور کو جسے امریکہ اپنے مقاصد کیلئے استعمال کرتا ہے ختم کریں۔
واضح رہے کہ جوہری معاہدے پر 2015 میں ایران اور دیگر 5 ممالک اور جرمنی نے دستخط کئے اور جنوری 2016 میں اس پر عمل در آمد شروع ہوا۔ تاہم امریکہ اس معاہدے سے یکطرفہ طور پر علیحدہ ہوا۔
