ایران، پاوہ میں ہتھیاروں کے اسمنگلروں سے جھڑپیں، بڑی مقدار میں امریکی ہتھیار برآمد
Aug ۲۴, ۲۰۲۱ ۲۲:۱۰ Asia/Tehran
ایران کے سیکورٹی ذرائع کا کہنا ہے کہ سیکورٹی اہلکاروں نے اسمنگلروں کے خلاف کامیاب آپریشن کیا جس کے دوران 75 پستول اور 4 اے کے-47 رائفل ضبط کی گئی۔
پاوہ علاقے کے سینئر سیکورٹی اہلکار نوید صحرائی نے فارس نیوز ایجنسی کے نامہ نگار سے گفتگو کرتے ہوئے کہا کہ دقیق خفیہ اطلاع کے بعد اسمنگلروں کی ایک ٹیم کا پتہ چلا۔ ان کا کہنا تھا کہ یہ بھی اطلاع ملی کی مذکورہ اسمنگلروں کی ٹیم کے پاس بھاری مقدار میں ہتھیار اور گولہ بارود بھی ہے۔
سپاہ پاسداران انقلاب اسلامی کے سینئر کمانڈر کا کہنا تھا کہ اطلاع ملنے کے بعد سے ہی خفیہ اہلکاروں نے اسمنگلروں کا تعاقب کرنا شروع کر دیا جس بعد اسمنگلروں اور کمانڈوز کے درمیان جھڑپیں شروع ہوگئی جس میں بڑی مقدار میں امریکی ہتھیار برآمد ہوئے۔
ان کا کہنا تھا کہ آپریشن کے دوران 75 امریکی پستول اور 4 اے کے-47 رائفل بھی ضبط کی گئی۔
