SAHAR

رہبر انقلاب اسلامی آیت اللہ العظمی سید علی خامنہ ای نے اپنے حکم کے ذریعے ڈاکٹر پیمان جبلی کو قومی نشریاتی ادارے آئی آر آئی بی کا نیا سربراہ مقرر کردیا ہے۔

رہبر انقلاب اسلامی کی جانب سے جاری کیے جانے والے حکم تقرری میں آیا ہے کہ قومی نشریاتی ادارہ آئی آر آئی بی عوامی اور آگہی کی سطح کو بلند کرنے والی ایک یونیورسٹی نیز تحریف و فتنہ پروری کی مخاصمانہ موجوں کے مقابلے میں ایک فصیل کی حیثیت رکھتا ہے۔

آیت اللہ العظمی سید علی خامنہ ای نے اپنے حکم نامے میں، سبکدوش ہونے والے سربراہ علی عسگری کی خدمات کی قدردانی کرتے ہوئے، ڈاکٹر پیمان جبلی کی کامیابی کے لیے دعا کی ہے۔

واضح رہے کہ ڈاکٹر پیمان جبلی اب تک آئی آر آئی بی کے ڈائریکٹر جنرل کی حیثیت سے خدمات انجام دے رہے تھے۔