ایران میں پیغمبر اعظم (ص) فوجی مشقیں شروع
سپاہ پاسداران انقلاب اسلامی کی پیغمبر اعظم (ص) فوجی مشقوں کا آج صبح آغاز ہو گیا۔
ایران پریس کی رپورٹ کے مطابق سپاہ پاسداران انقلاب اسلامی کے ڈپٹی چیف آف آپریشنز اور پیغمبر اعظم (ص) 17 نامی فوجی مشقوں کے ترجمان جنرل عباس نیلفروشان نے آج صبح خلیج فارس کے ساحلوں، آبنائے ہرمز اور ہرمزگان، بوشہر اور خوزستان صوبوں کے عمومی علاقے میں 5 روز تک پیغمبر اعظم (ص) 17 نامی مشترکہ فوجی مشقوں کے آغاز کا اعلان کیا ۔
مشترکہ فوجی مشقوں کے ترجمان نے مزید کہا کہ پیغمبر اعظم 17 فوجی مشقوں کا " یا فاطمہ زہرا (س) " اقتدار، سکیورٹی ، دفاعی تیاری اور ہمدلی و اتحاد کے نعرے سے آغاز ہوا۔
جنرل نیلفروشان نے کہا کہ فوجی مشقوں میں ہر قسم کے خطرات کا مقابلہ کرنے کی کارروائی کی جائے گي اور جدید ترین جنگي وسائل کا استعمال کیا جائےگا۔
پانچ دن تک جاری رہنے والی پیغمبر اعظم مشترکہ فوجی مشقوں میں جدید ترین ہتھیاروں کے تجربات کئے جائیں گے۔
