جنرل سلیمانی کا خون رنگ لا رہا ہے، امریکا، بے عزت ہوکر نکل رہا ہے
Dec ۳۰, ۲۰۲۱ ۲۲:۰۲ Asia/Tehran
ایران کی پارلیمنٹ مجلس شورائے اسلامی کے سربراہ محمد باقر قالیباف کا کہنا ہے کہ ہم نے آغاز سے ہی کہا ہے کہ شہید جنرل قاسم سلیمانی کا خون علاقے سے امریکا کو بے دخل کرکے رہے گا اور آج ہم دیکھ رہے ہیں کہ امریکا کس بے عزتی سے علاقے سے باہر نکل رہا ہے۔
پارلیمنٹ کے سربراہ قالیباف نے 30 دسمبر 2009 کے تاریخی عوامی مظاہروں کی یاد میں منعقد پروگرام سے خطاب میں کہا کہ آج ہمیں شہید جنرل قاسم سلیمانی کی کمی کا شدت سے احساس ہو رہا ہے۔
انہوں نے کہا کہ جنرل قاسم سلیمانی عوام کی خدمت کے لئے ہمیشہ حاضر رہتے تھے اور جب بھی عوام کو ان کی مدد کی ضرورت ہوتی تھی وہ وہاں حاضر ہو جاتے تھے۔
پارلیمنٹ کے سربراہ نے کہا کہ جنرل قاسم سلیمانی 25 سال کی عمر میں ہی کمانڈر بن گئے اور انہوں نے 40 سال تک اس نورانی راستے پر مسلسل سفر کیا۔
