SAHAR

مختصر وقفے کے بعد ایران اور ویانا مذاکرات کے دیگر فریقوں کے درمیان آٹھویں دور کی گفتگو کا آغاز ہو گیا ہے۔

ویانا میں اسلامی جمہوریہ ایران کے سینیئر مذاکرات کار علی باقری کی یوروپی یونین کی خارجہ پالیسی کے نائب انریک مورا سے ملاقات کے ساتھ ہی آٹھویں دور کے مذاکرات کا سلسلہ منگل کے روز دوبارہ شروع ہوگیا۔
آٹھویں دور کے مذاکرات، مذاکرات کار ٹیموں کی صلاح و مشورہ کے لئے اپنی اپنی دارالحکومت واپسی کی وجہہ سے وقتی طور سے رک گئے تھے، جو منگل کے روز ایران کے سینیئر مذاکرات کار علی باقری کی یوروپی یونین کی خارجہ پالیسی کے نائب انریک مورا سے ملاقات کے ساتھ دوبارہ شروع ہوئے۔ 
اس ملاقات کے بعد علی باقری کنی نے ویانا مذاکرات میں روس کے سینیئر نمائندے میخائیل اولیانوف کے ساتھ بھی تبادلۂ خیال کیا۔