تائیکوانڈو 2022 کا ایشیائی ٹائٹل ایران کے نام
Aug ۲۸, ۲۰۲۲ ۱۲:۴۶ Asia/Tehran
ایرانی نوجوانوں کی تائیکوانڈو ٹیم بشمول لڑکوں اور لڑکیوں نے 2022 ایشیائی چیمپئن شپ کا ٹائٹل جیت لیا۔
11ویں ایشین تائیکوانڈو چیمپئن شپ 26 اگست بروز جمعہ ویتنام کے ہو چی منہ شہر میں شروع ہوئی جس میں 28 ممالک کے 285 کھلاڑیوں نے شرکت کی۔
ان مقابلوں میں شرکت کرنے والی لڑکیوں اور لڑکوں پر مشتمل ایران کی ٹیم میں 18 تائیکوانڈو کھلاڑی شامل تھے، جنہوں نے 11 سونے، 2 چاندی اور 2 کانسی کے تمغے جیت کر 2022 کا ایشیائی چیمپیئن شپ کا ٹائٹل اپنے نام کیا۔
رپورٹ کے مطابق اس ٹورنامنٹ میں ایرانی لڑکوں نے 5 سونے، 2 چاندی اور 2 کانسی کے تمغے حاصل کئے جب کہ لڑکیوں نے 6 سونے کے تمغے اپنے نام کئے۔
