SAHAR

ایران کی بیچ فٹبال ٹیم نے جاپان کو شکست دے کر سیمی فائنل کے لیے کوالیفائی کرلیا ہے۔

سحرنیوز/کھیل: ہمارے نمائندے کے مطابق ایران کی بیچ فٹبال ٹیم نے جمعرات کو اپنے آخری گروپ میچ میں جاپان کو چار تین سے ہرا دیا۔
ایران کی ٹیم امریکہ، پیراگوئے اور جاپان کے خلاف مسلسل تین فتح کے بعد نو پوائنٹ کے ساتھ گروپ دو میں ٹاپ پر آگئی ہے۔
سیمی فائنل میں ایران کی بیچ فٹبال ٹیم میزبان ملک متحدہ امارات کے خلاف میدان میں اترے گی جب کہ بیچ فٹبال کپ کا دوسرا سیمی فائنل پیراگوئے اور برازیل کے درمیان کھیلا جائے گا۔

یاد رہے کہ بیچ فٹ بال کا عالمی کپ ہر دو سال بعد منعقد کیا جاتا ہے اور ایران یہ عالمی کپ تین مرتبہ جیت چکا ہے۔