ایران، دہشت گردوں کی 3 خطرناک ٹیمیں گرفتار
Nov ۰۶, ۲۰۲۲ ۱۷:۲۰ Asia/Tehran
سپاہ پاسداران انقلاب اسلامی کی خفیہ ایجنسی نے دہشت گرد گروہ ایم کے او کی تخریبی ٹیموں کو گرفتار کر لیا ہے۔
سحر نیوز/ ایران: تسنیم نیوز کی رپورٹ کے مطابق سپاہ پاسداران انقلاب اسلامی کے انٹیلیجینس ادارے کے اہلکاروں کی کوششوں سے وابستہ 3 ٹیمیں، جو صوبہ خوزستان، فارس اور اصفہان میں تخریب کاری اور دہشت گردی کی کارروائیاں کرنے کا ارادہ رکھتی تھیں، بروقت آپریشن کرکے گرفتار کر لیا گیا ہے۔
اطلاعات کے مطابق مذکورہ ٹیموں نے فسادیوں کو بھرتی کرنے اور نیٹ ورک بنانے اور حکومت، سیکورٹی اور قانون نافذ کرنے والے مراکز پر حملہ کرنے، عوامی املاک کو تباہ کرنے اور شہریوں کو مارنے کی کوشش جیسی کارروائیوں کو عملی جامہ پہنانے کا منصوبہ بنایا تھا۔
