SAHAR

اسلامی جمہوریہ ایران نے فردو ایٹمی مرکز میں یورینیم کی افزودگی کی سطح بڑھا کر ساٹھ فیصد کردی ہے

اسلامی جمہوریہ ایران کی ایٹمی توانائی کے قومی ادارے کا یہ اقدام آئی اے ای اے کے بورڈ آف گورنرز میں ایران کے خلاف قرارداد منظور کئے جانے کے جواب میں کیا گیا ہے۔ سرکاری ذرائع کے مطابق ساٹھ فیصد افزودگی کا عمل پائیدار سطح تک پہنچ گیا۔
ایسا محسوس ہو رہا ہے کہ ایران کی ایٹمی توانائی کے ادارے نے فر دو میں موجود جگہ اور وسائل کو پورے طور سے استعمال کرنے کا فیصلہ کرلیا ہے۔ 
آئی اے ای اے کی قرارداد کے جواب میں ایران کا دوسرا اقدام آئی آر ٹو ایم اور آئی آر فور کے دو یونٹوں کو بھی نطنز ایٹمی مرکز میں فعال بنا دیا ہے اور دو اور مشینیں بھی تیار کی جا رہی ہیں ۔ 
ایران کی وزارت خارجہ کے ترجمان ناصر کنعانی نے اس سے قبل اعلان کیا تھا کہ امریکہ اور یورپی ٹرائیکا کی ایران مخالف قرارداد کے جواب میں ایران سخت ردعمل ظاہر کرے گا ۔

قابل ذکر ہے کہ نطنز اور فردو ایٹمی تنصیبات میں یورینیم کی افزودگی میں اضافے کی سرگرمیاں اتوار کو شروع کر دی گئی تھیں۔ رپورٹوں کے مطابق، آئی اے ای اے کو اس بارے میں آگاہ کردیا گیا ہے اور ان کے معائنہ کار بھی اس موقع پر ان مراکز میں موجود تھے۔