SAHAR

ایران کی وزارت خارجہ کے ترجمان نے قطر میں جاری فٹبال ورلڈ کپ کے مقابلوں میں مراکش کی ٹیم کے کوارٹر فائنل میں پہنچنے پر اس ملک کے عوام کو مبارکباد پیش کی ہے۔

سحر نیوز/اسپورٹس: ایران کی وزارت خارجہ کے ترجمان ناصر کنعانی نے اپنے ایک عربی ٹوئٹ میں مراکسی عوام کو مبارکباد دینے کے ساتھ ساتھ فٹبال ورلڈ کپ کے باقی مقابلوں میں مراکش کی ٹیم کی مزید کامیابیوں کی تمنا کی ہے۔

مراکش کی فٹبال ٹیم نے اپنے گول کیپر کی شاندار کارکردگی کی بدولت، پنالٹی کک میں اسپین کی ٹیم کو شکست دے کر کوارٹر فائنل میں پہنچنے میں کامیابی حاصل کی ہے۔ یہ پہلی بار ہے کہ مراکش کی ٹیم، فٹبال ورلڈ کپ کے مقابلوں میں کواٹر فائنل تک پہنچی ہے۔