ایرانی فضائیہ کے ایف 14 ایمولیٹر سسٹم کی رونمائی
Mar ۰۷, ۲۰۲۳ ۱۴:۵۷ Asia/Tehran
ایران کے شہر اصفہان میں ایران کی فضائیہ کے کماںڈر کی موجودگی میں فضائیہ کے ایف چودہ ایمولیٹر سسٹم کی رونمائی کی گئی۔
سحر نیوز/ ایران: ایران پریس کی رپورٹ کے مطابق ایرانی فضائیہ کے ایف چودہ ایمولیٹر سسٹم کی رونمائی کی اس تقریب میں فضائیہ کے کمانڈر بریگیڈیئر حمید واحدی اور فضائیہ کے برتر ہوابازوں نے شرکت کی۔
تقریب سے خطاب کرتے ہوئے ایرانی فضائیہ کے کمانڈر بریگیڈیئر حمید واحدی نے کہا کہ ایرانی فضائیہ کا ایف چودہ ایمولیٹر سسٹم مقامی سطح پر تیار کیا گیا ہے اور یہ کامیابی ایران کی فضائیہ کے قابل قدر کارناموں میں شامل ہے۔
ایران کا ایف چودہ جنگی طیارہ جدید ترین ٹیکنالوجی سے تیار کیا جانے والا فضائیہ کی تاریخ کا پیچیدہ ترین سسٹم سے آراستہ ایک قابل ذکر طیارہ ہے۔
