فلسطینیوں کی تحریک انتفاضہ کی حمایت میں نیول پریڈ ہوگی
سپاہ پاسداران انقلاب اسلامی نے فلسطینی عوام کی تحریک انتفاضہ کی حمایت میں نیول پریڈ کا اعلان کیا ہے۔
سحر نیوز/ ایران: ہمارے نمائندے کے مطابق سپاہ پاسداران انقلاب اسلامی کی بحریہ کے کمانڈر ریئر ایڈمرل علی رضا تنگسیری نے بتایا ہے کہ فلسطینی عوام کی تحریک انتفاضہ کی حمایت میں ہونے والی اس نیول پریڈ میں دو سو پچاس کشتیاں حصہ لیں گے۔
انہوں نے بتایا کہ یہ نیول پریڈ ، 13اپریل کو ایران کے شمالی اور جنوبی ساحلی کےعلاوہ دنیا بھر میں طے شدہ بندرگاہوں پر منعقد ہوگی۔
ایڈمرل تنگسیری نے کہا کہ عوامی نوعیت کی اس بحری پریڈ کے ذریعے ، امام خمینی رح کے فرمان کے مطابق فلسطینیوں سے بھر پور یکجہتی کا اعلان کیا جائے گا۔
واضح رہے کہ اسلامی انقلاب ایران کے بانی حضرت امام خمینی رح نے ماہ رمضان کے آخری جمعے کو عالمی یوم القدس قرار دیا تھا۔ اس سال عالمی یوم القدس چودہ اپریل کو منایا جائے گا۔
